කතෘ: කැත්ලීන් ජයවර්ධන
ප්‍රකාශක: ගොඩගේ 2012
එහෙත් මා අවස්ථාවාදි වංචනිකයෙකැ යි සිතන්නට, තීරණය කරන්නට ඔබට ඇති ශුද්ධ වූ අයිතියට ද මම ගරු කරමි. (9 වන පිට)
ලංකාවේ කතුවරුන් හා ඔවුන්ගේ පොත් ගැන අසන්නනට දැනගන්නට ඇති ක්‍රම ඉතා අඩුය. මාගේ වාසනාවට පොත් ගැන හොඳ දැනුමක් ඇති ලාංකික මිතුරන් කිහිප දෙනෙක් සිටිති. එයින් එක් මිතුරියක් කැත්ලීන් ජයවර්ධනගේ පොතක් පසුගියදා මා හට දුන් බැවින් මෙම පොත ගොඩගේ එකට ගොඩවූ වේලේ මිලදී ගතිමි. ශුද්ධ වූ අයිතියෙන් එහාට කියැවීමට පෙළඹවූයේ මාගේ මිතුරියගේ පොත පත ගැන විනිශ්‍ය කිරීමේ හැකියාව ගැන මා තුල විශ්වාසය වූ නිසා වෙනි.
මාගේ මිතුරියගේ විනිශ්‍යය මෙවරද නිවැරදිය. දෙවන ශුද්ධ වචනය හමුවන විට මගේ කටේ අමිහිරි බව අඩු වී තිබින.
ශුද්ධ වූ විවාහයේ සුපිරිසිදු බව කෙලෙසූ ඔහු කෙරෙහි සිත තුළ හටගත් කෝපය ඇගේ සර්වාංගය ම ගිනි වද්දමින් තිබින. (18 වන පිට)
මෙම පොතෙහි "ඉතාම කෙටි” කෙටි කතා දහ හතරකින් යුක්තය. කෙමෙක් කෙමෙක් ජනිත වී කෙමෙන් කෙමෙන් වැඩුනු ප්‍රසාදය උච්චස්ථානයට ලඟාවූයේ නව වන කෙටි කතාවේ අගදීය. මේ අවස්ථාවේදී මා සිටියේ කැත්ලීන් ජයවර්ධන ගැන ඉතා ඉහල තක්සේරුවක ය.
සරු-නිසරු යන නමින් වූ දහවන කෙටි කතාවෙන් ආරම්භ වූ බැස්ම දහ හතර වන කෙටි කතාව තෙක්ම බැස්සේය. අවසානයේදී මේවා "ඊසොප්ගේ උපමා කතා" වාගේ ඒවා යැයි හැඟෙන තත්වයටම බැස්සේය. සරු-නිසරු හී ඇති සමහර දුර්මත ගැන නොකියා සිටීම හොඳය. ඒ ගැන කීම බිහිරි අලින්ට වීනා වැයීමක් බව අත්දැකීමෙන් ම දනිමි.
ඒ කෙසේ වෙතක් පොත ගැන සම්පූර්ණ අගැයීමක යෙදෙන්නේ නම් මගේ මිතුරියගේ විනිශ්චය හා එකඟ වෙමි. ඇය දක්ෂ ලේඛිකාවකි. ඇයගේ වෙනත් පොත් ලැබුනොත් කිසිම පැකිලීමක් තොරව කියවන බව ද දනිමි.
No comments:
Post a Comment